SÓLÓ - flauta
Petrea Óskarsdóttiri, pikkoló, þverflauta og altflauta
~ Prógram ~
Bára Grímsdóttir (1960) Andvari I frumflutningur*
fyrir flautu, altflautu og pikkoló
Sunna Friðjónsdóttir ( 1994) Through the Haze
fyrir flautu
Jack Ibert (1890-1962) Piece
fyrir flautu
Kolbeinn Bjarnason (1958) Litbrigði fyrir pikkolóflautu frumflutningur*
*world premiere
Petrea Óskarsdóttir lauk burtfararprófi í flautuleik frá Tónlistarskólanum í Reykjavík vorið 1989. Í framhaldinu lá leiðin til Frakklands þar sem hún stundaði framhaldsnám við Conservatoire National de Region í Versölum. Eftir að Petrea flutti aftur heim, haustið 1993, hefur hún verið virkur þátttakandi í tónlistarlífinu og kemur oft fram á tónleikum bæði sem einleikari og í ýmiskonar kammartónlist hérlendis sem erlendis. Hún er einn af þrem flautuleikurum Aulos Flute Ensemble, en þær hafa m.a. komið fram á Myrkum músíkdögum, Sumartónleikum í Skálholti, farið í tónleikaferð til Færeyja, Grænlands og Bandaríkjanna, auk þess að standa fyrir Windworks hátíðinni á suður- og norðurlandi undanfarin ár. Petrea er einnig fastur meðlimur í Íslenska flautukórnum og hefur leikið með Sinfóníuhljómsveit Norðurlands frá því hún flutti til Akureyrar vorið 2002, lengst af sem leiðandi flautuleikari. Hún vinnur nú að útgáfu á geisladiski með tónlist fyrir einleiksflautur. Petrea hefur alið upp heila kynslóð flautuleikara eftir áratuga starf í mörgum af stærstu tónlistarskólum landsins. Hún kennir nú við Tónlistarskólann á Akureyri.