DÚÓ
Petrea Óskarsdóttir, flauta Ella Vala Ármannsdóttir, náttúruhorn
~ Prógram ~
Jaques-Francois Gallay
Fanfare úr 12 douze Grands Caprices op 43 fyrir náttúruhorn
Sunna Friðjónsdóttir
A movement in time, fyrir flautu og horn - frumflutningur*
Oliver Kentish
Lífið er LEIK-fimi - eftirspil, fyrir flautu
Daníel Þorsteinsson
To me, to me, fyrir altflautu og náttúruhorn - frumflutningur*
*world premiere
Petrea Óskarsdóttir lauk burtfararprófi í flautuleik frá Tónlistarskólanum í Reykjavík vorið 1989. Í framhaldinu lá leiðin til Frakklands þar sem hún stundaði framhaldsnám við Conservatoire National de Region í Versölum. Eftir að Petrea flutti aftur heim, haustið 1993, hefur hún verið virkur þátttakandi í tónlistarlífinu og kemur oft fram á tónleikum bæði sem einleikari og í ýmiskonar kammartónlist hérlendis sem erlendis. Hún er einn af þrem flautuleikurum Aulos Flute Ensemble, en þær hafa m.a. komið fram á Myrkum músíkdögum, Sumartónleikum í Skálholti, farið í tónleikaferð til Færeyja og Grænlands auk þess að standa fyrir Windworks hátíðinni á suður- og norðurlandi undanfarin ár. Petrea er einnig fastur meðlimur í Íslenska flautukórnum. Petrea hefur leikið með Sinfóníuhljómsveit Norðurlands frá því hún flutti til Akureyrar vorið 2002, lengst af sem leiðandi flautuleikari.
Petrea vinnur nú að útgáfu á geisladiski með tónlist fyrir einleiksflautur. Petrea hefur alið upp heila kynslóð flautuleikara eftir áratuga starf í mörgum af stærstu tónlistarskólum landsins. Hún kennir nú við Tónlistarskólann á Akureyri og Tónlistarskóla Eyja- fjarðar.
Ella Vala Ármannsdóttir er fædd í Svarfaðardal. Hún stundaði hornnám við Tónlistarskólann í Reykjavík og lauk þaðan blásarakennara- og einleikaraprófi . Síðar hélt Ella Vala áfram námi við Musikhochschule Freiburg im Breisgau, Þýskalandi. Í kjölfarið lauk hún framhaldsnámi í Schola Cantorum Basiliensis í Basel, Sviss við náttúruhornleik. Ella Vala er aukamaður hjá Sinfóníuhljómsveit Íslands, hefur leikið með hljómsveit íslensku óperunnar og er meðlimur Sinfóníuhljómsveitar Norðurlands. Á náttúruhornið hefur hún leikið og tekið upp fjölda geisla- og mynddiska vítt og breytt um Evrópu. Ella Vala er síðan 2013 fastráðin sem málmblásturskennari við Tónlistarskólann á Akureyri og Tónlistarskólann á Tröllaskaga.